Самарқанд шаҳридаги «Мулиён» маҳалласида яшовчи тадбиркор ҳафтада бир марта маҳалладошларига 700-800 та нон тарқатиб келмоқда.
«Самаркандский вестник» нашрининг ёзишича, уни ҳар жума 30-умумтаълим мактаби ёнида кўриш мумкин. 23 ёшли Самар тадбиркорлик билан шуғулланади, цехида нон маҳсулотлари тайёрлайди.
«Ўзидан бошқани ўйламайдиган ва бошқаларга беғараз ёрдам беришни истамайдиган одамлар менга ёқмайди. Савоб иш қилганда инсоннинг ўзи ўзгаради, янада яхши одамга айланади. Эзгу ишларни кейинга қолдириш керак эмас, бошқаларга ёрдам берганда ҳаёт янада гўзаллашади», — дейди тадбиркор.