Гватемаладаги Фуэго вулқонининг отилишидан кейин камида 192 киши бедарак йўқолган деб эълон қилинди. Бу ҳақда 6 май, чоршанба куни табиий офат оқибатларига қарши курашиш миллий маркази (CОНRED) раҳбари Серхио Кабаняс хабар берди, деб ёзмоқда «ТАСС».
«Ҳозир бизда бедарак кишиларнинг исмлари ва уларни қаерда йўқотиб қўйишгани ҳақида маълумотлар бор. Шунингдек, биз уларнинг сонини айтишимиз мумкин: 192 киши йўқолган», — дейди Серхио Кабаняс.
Мутахассисларнинг фикрича, қутқарув-қидирув ишларининг давом этиши натижасида қурбонлар сонининг ортгани эълон қилиниши мумкин. Ҳозирги вақтда 73 киши ҳалок бўлган, деб ҳисобланмоқда. Табиий офат 1,7 миллиондан ортиқ кишига зарар етказган. Мамлакатда уч кунлик мотам эълон қилинган.
Эслатиб ўтамиз, Фуэго вулқонининг отилиши ҳақидаги дастлабки хабарда ҳалок бўлганлар сони 25 кишини ташкил қилгани эълон қилинган эди. 5 июнь, сешанба куни қурбонлар сонининг 69 тага етгани хабар қилинган.