Maroon 5 Галь Гадот, Милли Бобби Браун ва Женнифер Лопес иштирокида клип чиқарди. Эшитиш шарт эмас — шунчаки бир марта кўринг

Американинг Maroon 5 гуруҳи ва қўшиқчи Карди Би билан бирга «Girls Like You» қўшиғига клип суратга олди, деб ёзмоқда Meduza.

Клипда актрисалар Галь Гадот, Милли Бобби Браун, Женнифер Лопес, қўшиқчилар Рита Ора, Камила Кабельо, телебошловчи Эллен Деженерес, комик Сара Сильверман, модель Эшли Грэм ва бошқа таниқли аёллар суратга тушган.

Клип қаҳрамонлари саҳна марказида турган гуруҳ солисти Адам Левин орқасида бирин-кетин пайдо бўлади. Клип сўнгида эса Левин ўзининг турмуш ўртоғи Бехати Принслу ва қизи Дасти Роузни бағрига босади.

«Girls Like You» қўшиғининг Cardi B’нинг иштирокисиз дастлабки версияси 2017 йили Maroon 5’нинг «Red Pill Blues» альбомида тақдим қилинган.