Россиянинг Новосибирск шаҳрида Ўзбекистон фуқароси иштирокида кўнгилсиз воқеа рўй берди. Бу ҳақда Sputnik хабар қилди.
Новосибирскнинг Заельцовск тумани прокурори ёрдамчиси Артём Хоменкога кўра, яланғоч эркак бир квартирага бостириб кириб, у ердаги одамларни гаровга олган, сўнг консул ва прокурор билан учрашув ташкил этилишини талаб қилган.
Муҳожирнинг айтишича, у Россияга Тошкентдан келган, қурилишда ишлаган, аммо, объект эгалари билан жанжаллашиб, кўчада қолиб кетган. Шундан сўнг эркак жонига қасд қилиш қарорига келган.
У кўп қаватли уй томига чиқиб, ечинган, аммо шу пайт жонига қасд қилиш фикридан қайтган. Бунинг ўрнига у бир квартирага бостириб кириб, у ерда яшовчи она ва ўғилни гаровга олган.
У шу йўл билан депортацияга эришмоқчи эди. Аммо у қўлга олинди ва эндиликда жавобгарликка тортилади.