2018 йилнинг 28 апрель куни Ўзбекистонда биринчи марта «Блокчейн технологиясини ва рақамли иқтисодиёт тамойилларини илгари суриш» халқаро конференцияси — World Blockchain and Cryptocurrency Summit Tashkent бўлиб ўтади, дея хабар бермоқда Ахборот технологиялари ва коммуникацияларини ривожлантириш вазирлиги.
International Hotel Tashkent’да бўлиб ўтадиган тадбирда 50 дан ортиқ мамлакатлар ва 100 дан зиёд ташкилотлар вакиллари қатнашади. Учрашув доирасида Латвия, Голландия, Исроил, Баҳрайн, Янги Зеландия, Австралия, Нигерия, Қозоғистондан 15 нафар спикер нутқ сўзлайди.
Конференция иштирокчилари рақамли иқтисодиётнинг кўплаб долзарб масалаларини муҳокама қилади. Улар орасида тартибга солиш ва солиққа тортиш муаммоси, маълумотлар анонимлиги, блокчейн технологияси, майнинг, криптовалютани сақлаш ва айирбошлаш ва бошқалар бор.
Саммит доирасида Uzbekistan ICO Show бўлиб ўтади, унда Марказий Осиёнинг энг истиқболли ва тез ривожланаётган иқтисодиёти — Ўзбекистон бўйича лойиҳалар тақдим этилади.
Изоҳ (0)