2018 йилнинг 13 мартида Москва шаҳридаги «Экспоцентр» Марказий кўргазма комплекси кўргазмалар марказида МITТ-2018 Халқаро сайёҳлик кўргазмаси старт олди, деб ёзади «Ўзбекистон ҳаво йўллари» миллий авиакомпанияси матбуот хизмати.
«Ўзбекистон ҳаво йўллари» миллий авиакомпанияси Ўзбекистон Республикаси Давлат туризм қўмитаси ва Ulysse Tour, Marco polo, Central asia travel, Compass tour, Dolores travel, Orient star group ва Inter mice asia маҳаллий туристик компаниялар билан биргаликда «Ўзбекистон» ягона стендида ўз авиацион имкониятларини намойиш этмоқда.
15 мартга қадар давом этувчи кўргазма мобайнида «Ўзбекистон ҳаво йўллари» миллий авиакомпанияси мутахассислари туризм соҳасида ҳамкорлик ўрнатиш ва ривожлантириш мақсадида туристик соҳа, курорт ташкилотлари ва йирик меҳмонхоналар, шунингдек, ОАВлари, реклама агентликлари вакиллари ва кўргазманинг бошқа ташриф буюрувчилари билан бир қатор учрашувлар ва музокаралар ўтказишни режалаштирмоқда.
Изоҳ (0)