Қатар Юлдузлар Лигаси чемпиони «Ал-Дуҳайл» Чемпионлар Лигасининг плей-оффига йўлланмани қўлга киритган жорий мавсумнинг илк жамоасига айланди.
Чемпионлар Лигаси: Сардор Рашидов собиқ жамоаси дарвозасига гол урди. Бироқ «Локомотив» бу сафар ҳам Қатар клубидан енгилди
Бу йўлда қатарликлар «Локомотив» устидан ҳар икки ўйинда ҳам зафар қучди. Доҳада 3:2 ҳисоби қайд этилган бўлса, Тошкентдагиси 1:2 ҳисоби билан якунига етди. Оқибатда «темирйўлчилар» 3 очко билан камида яна 1 та тур қоладиган бўлди.Гуруҳдаги иккинчи ўйинда Амирликларнинг «Ал-Ваҳда» клуби дастлабки очкосини қўлга киритди. Эроннинг «Зоб Оҳан» клубини қабул қилган араблар 3:0 ҳисобида устун келди. Томонларнинг Исфахонда ўтган ўйини форсларнинг 2:0 ҳисобидаги ютуғи билан якунига етганди.
Шу тариқа «Локомотив»нинг плей-оффга йўлланма олиш имконияти сақланиб қолди. «Темирйўлчилар» 2-ўрин учун курашда давом этади. 3 апрель куни улар Амирликларда «Ал-Ваҳда» меҳмони бўлса, 17 апрель куни Тошкентга «Зоб-Оҳан» футболчилари ташриф буюради. Мазкур ўйинлардаги ижобий натижа Ўзбекистон чемпионини қутқариб қолиши мумкин.
Чемпионлар Лигаси «B» гуруҳи. 4-тур 12 март, душанба
«Локомотив» — «Ал-Дуҳайл» 1:1
Голлар: Сардор Рашидов, 35 (1:0). Ал-Арабий, 90-пен (1:1). Ал-Арабий, 94+ (1:2).«Ал-Ваҳда» — «Зоб Оҳан» 3:0
Голлар: Себастьян Таглибе, 45 (1:0). Мурод Батна, 57 (2:0). Муҳамадда Ал-Акбарий, 65 (3:0).
Изоҳ (0)