Тошкент шаҳар Миграция ва фуқароликни расмийлаштириш бошқармасининг бошлиғи подполковник Беҳзод Сайфуллаев Facebook’да ўз саҳифасини очди. Бу ҳақда Тошкент шаҳар ИИББ маълум қилди.
«Фуқароларимиздан келган кўплаб мурожаатларни инобатга олиб, Тошкент шаҳар Миграция ва фуқароликни расмийлаштириш бошқармасининг бошлиғи подполковник Сайфуллаев Беҳзод Алишерович Facebook ижтимоий тармоғида ўз саҳифасини очди», — дейилади хабарномада.
Эндиликда онлайн режимида бошқарма бошлиғига шахсан мурожаат этиш мумкин бўлади.
Бундан ташқари, саҳифага келган барча илтимос, шикоят ҳамда мурожаатлар диққат билан таҳлил қилиниб, керакли қарорлар қабул қилинади.
Изоҳ (0)