Европа Лигаси. «Милан», «Арсенал» ва «Атлетико»да йирик ғалаба. Бачуайи «Боруссия» учун яна 2 та гол урди

Европа Лигаси ғолиблиги учун кураш олиб бориши кутилган жамоалардан «Наполи» ўз майдонида мағлубият қабул қилиб олди.

А серияда пешқадам бўлиб турган неаполликлар кўринишидан бор эътиборини ички чемпионатга қаратишни ният қилган. Улар аввалроқ Чемпионлар Лигаси гуруҳ босқичида «Сити» ва «Шахтёр» билан рақобатлаша олмаганди. Энди эса Европа Лигасида немис клубидан мағлубият қабул қилиб олди. Шу куни «Наполи»нинг бир қатор асосий фигуралари майдонга чиқарилмади.

Дортмунднинг «Боруссия» клуби эса иродали ғалабани қўлга киритди. «Челси»дан ижара асосида олиб келинган Миши Бачуайи дебют ўйинидаёқ дортмундликлар учун 2 та гол уриб берганди. Бельгиялик футболчи бу сафар ҳам дублга эришиб, жамоасига муҳим ғалаба тортиқ қилди.

Мадриднинг «Атлетико» клуби Даниядан йирик ғалабага билан қайтишга эришди. Ла Лигада мавсумни ёмон ўтказмаётган Диего Симеоне жамоаси «Копенгаген»га ҳеч қандай имконият қолдирмади.

Титанлар орасида энг осон рақиб «Арсенал»га дуч келганди. АПЛда кучли тўртлик у ёқда турсин, 5-ўринга илиниши ҳам даргумон бўлиб турган «тўпчилар» Европа Лигаси ғолиблигидан умидвор. Шу боис «Арсенал» рақибига ҳеч қандай имконият қолдирмади.

Гаттузо бошқарувида секин-аста ўзига келаётган миланлик футболчилар ҳам ўз мухлисларини хурсанд қилиб, йирик ғалабани қўлга киритди. «Наполи» ва «Аталанта» қаторида эса Римнинг «Лацио» клуби ҳам мағлуб бўлди.

Европа Лигаси 1/16 финал 15 февраль, пайшанба

«Боруссия Дортмунд» — «Аталанта» 3:2

Голлар: Андре Шюррле, 30 (1:0). Йосип Иличич, 51 (1:1). Йосип Иличич, 56 (1:2). Миши Бачуайи, 65 (2:2). Миши Бачуайи, 91+ (3:2).

«Наполи» — «Лейпциг» 1:3

Голлар: Адам Унас, 52 (1:0). Тимо Вернер, 61 (1:1). Арминдо Брума, 74 (1:2). Тимо Вернер, 93+ (1:3).

«Лион» — «Вильярреал» 3:1

Голлар: Тангуэй Ндомбеле, 46 (1:0). Набиль Фекир, 49 (2:0). Пабло Форнальс, 63 (2:1). Мемфис Депай, 82 (3:1).

«Копенгаген» — «Атлетико» 1:4

Голлар: Виктор Фишер, 15 (1:0). Сауль, 21 (1:1). Кевин Гамейро, 37 (1:2). Антуан Гризманн, 71 (1:3). Витоло, 77 (1:4).

«Эстерсунд» — «Арсенал» 0:3

Голлар: Начо Монреаль, 13 (0:1). Сотирис Папаяннопулос, 24-авт (0:2). Месут Ўзил, 58 (0:3).Ноаниқ пенальти: Том Петтерссон, 91+ (Э).

«Лудогорец» — «Милан» 0:3

Голлар: Патрик Кутроне, 45 (0:1). Рикардо Родригес, 64-пен (0:2). Фабио Борьини, 92+ (0:3).

«Стяуа» — «Лацио» 1:0

Гол: Арлем Ньоэре, 29 (1:0).

«Марсель» — «Брага» 3:0

Голлар: Валер Жермен, 4 (1:0). Валер Жермен, 69 (2:0). Флориан Товен, 74 (3:0).