Шу вақтга қадар Ўзбекистон Олий Лигаси сифатида фаолият кўрсатиб келган Ўзбекистон чемпионати 2018 йилдан бошлаб Супер Лига деб номланади ва унда расман 12 та клуб чемпионлик учун кураш олиб боради.
Регламентга кўра, дастлабки босқичда 12 та клуб бир-бири билан 11 та уй ва 11 та сафар — жами 22 та турда майдонга тушади. Кейин 1—6-ўринни эгаллаган клублар чемпионлик учун алоҳида курашга қўшилади. 7—12-ўрин эгалари эса Супер Лигада жон сақлаб қолиш ҳаракатига тушади.
Бунда «олтин очко» қоидаси бор. Яъни, иккинчи босқичдан бошлаб битта жадвалда акс этган клубларнинг биринчи босқичдаги ўзаро ўйинлари натижаси сақланиб қолади.
Қуръа маросими
Бунгача ПФЛ раҳбарияти Олий Лига беллашувларига қуръа ташлаш маросимини жуда жўн тарзда олиб борган. Янги раҳбарият эса қуръанинг ташкилий масалаларини юқори савияда йўлга қўйишга ҳаракат қилди. У одатдаги каби ЎФА анжуманлар залида эмас, International Hotel меҳмонхонасида ўтказилди.
1-тур
- «Бунёдкор» – «АГMК»
- «Пахтакор» – «Сўғдиёна»
- «Нефтчи» – «Насаф»
- «Бухоро» – «Қўқон-1912»
- «Қизилқум» – «Локомотив»
- «Металлург» – «Навбаҳор»
Изоҳ (0)