Бугун сизлар билан тайёрлаш осон бўлган кекс устида ишлаб кўрсак, нима дейсиз? Биз уйда уни апельсинли хушбўй кекс деб атаймиз.
Бизга керакли масаллиқлар
2 дона тухум
200 грамм қаймоқ (ёки сметана)
1 стакан шакар
1—1,5 стакан ун
1 стакан ёнғоқ
1 дона апельсин
2 чой қошиқ қабартма (разрихлитель)
Ваниль (таъбга кўра)
Фото: «Дарё»
Қандай тайёрлаймиз?
Биринчи галда идишимизга 2 та тухумни чақиб, уни 1 стакан шакар билан то шакар эригунча кўпиртириб оламиз.
Фото: «Дарё»
Фото: «Дарё»
Кейин эса массамизга 200 грамм қаймоғимизни, унни ва қабартмани солиб, аралаштирамиз.
Фото: «Дарё»
Сўнг майда қирғичдан ўтказилган апельсин пўстини ҳамда шу апельсин сувини (сок) қўшамиз. Қуюқ сметана ҳолига келган хамиримизга ваниль ҳамда майдалаб олинган ёнғоғимизни ҳам соламиз ва аралаштирамиз.
Фото: «Дарё»
Фото: «Дарё»
Кекс учун тайёрлаб қўйилган қолипимизга хамиримизни солиб, аввал 10 дақиқа давомида 160 градусда, сўнгра 180 градусда яна 30—40 дақиқа давомида пишириб оламиз.
Фото: «Дарё»
Тайёр кексимизни хоҳишга кўра эритилган шоколад ёки глазур билан безатишимиз ҳам мумкин.
Фото: «Дарё»
Бизнинг хушбўй апельсинли кексимиз тайёр бўлди. Умид қиламанки, у оила-аъзоларингиз ва айниқса, миттивойларингизга манзур бўлади.
Сизга ёқимли иштаҳа тилаб, ҳурмат билан @YaMamulya
Изоҳ (0)