Pegasus Airlines авиакомпаниясининг Анқара – Трабзон рейсини амалга ошираётган йўловчи самолёти қўниш чоғида учиш-қўниш тасмасидан ташқарига чиқиб кетиб, жарлик ёқасида қолиб кетди. Воқеа акс этган видео YouTube’даги Uçaklara Fısıldayan Adam каналида эълон қилинди.
Boeing бортида 162 йўловчи ва олти нафар экипаж аъзоси бор эди. Уларнинг ҳеч бири жароҳат олмади ва муваффақиятли эвакуация қилинди. Воқеадан сўнг Трабзон аэропорти бир неча соатга ёпилди.
Воқеа 14 январга ўтар кечаси бўлган эди. Эрталаб лайнер трос ёрдамида жарликдан кўтарилди.