Россия президенти Владимир Путин янги ҳужжатли фильмда мамлакатнинг коммунистик ўтмиши ва Ленин ҳақида фикр билдириб ўтди. Бу ҳақда «РБК» хабар бермоқда.

Фото: «ТАСС»

«Аслида коммунистик идеология христианликка ўхшайди. Эркинлик, биродарлик, тенглик, адолат. Барчаси муқаддас китобларда бор», — деди у.

Бунга мисол тариқасида Путин коммунистлар етакчиси Лениннинг мақбарасини келтирди:

«Ленинни мақбарага жойлаштиришди — бу православларда, умуман христианлардаги авлиёларнинг танасини сақлашдан нимаси билан фарқ қилади? Баъзилар христианликда бундай анъана йўқ дейди. Қанақасига йўқ бўлсин? Афонга боринг, у ерда авлиёларнинг қолдиқлари сақланади, бу ерда ҳам авлиёлар Сергий ва Германнинг қолдиқлари бор».