Американинг CaliBurger тармоғи ўз ресторанларидан бирига харидорнинг юзини таниб олувчи ва у кафега аввалги ташрифи чоғида буюртма қилган таомномани таклиф қилувчи автоматни ўрнатди. Агар тизим фаолияти муваффақиятли кечса, бундай автоматлар бутун тармоқ бўйлаб пайдо бўлади ва қаерлардадир ҳатто сотувчи-кассирлар ўрнини эгаллайди. Бу ҳақда Travel Ask хабар бермоқда.
Юзни таниб олиш технологияси NeoFace деб аталади, у вақтни анча тежайди ва мос равишда навбатни камайтиради. Бундан ташқари, автомат нафақат мижозни ва у маъқул кўрадиган нарсаларни, балки унинг банк картаси маълумотларини ҳам эслаб қолади. Шундай экан, тўлаш учун пин-кодни киритиш ва картани терминалга солиш керак бўлмайди.