Ўзбекистон мусулмонлари идорасида «Сарҳисоб — 2017» ғолиблари аниқланди

30 декабрь куни Ўзбекистон мусулмонлари идорасида «Сарҳисоб — 2017» танловининг республика босқичи бўлиб ўтди. Танлов Вазирлар Маҳкамаси ҳузуридаги Дин ишлари бўйича қўмита, Ўзбекистон матбуот ва ахборот агентлиги, Ўзбекистон Миллий телерадиокомпанияси, Ўзбекистон мусулмонлари идораси ва Тошкент ислом университети ҳамкорлигида ташкил этилди. Бу ҳақда Ўзбекистон мусулмонлар идораси матбуот хизмати хабар берди.

Бу йилги танловнинг ҳудудий босқичлари ҳам ўтказилди. 2017 йилнинг 1 январидан 2017 йилнинг 1 октябригача газета ва журналларда босилган, радио орқали эфирга узатилган, телевидениеда кўрсатилган ва интернет тармоғида эълон қилинган материаллар танловда иштирок этди. Танловнинг республика босқичи «Жаҳолатга қарши маърифат» шиори остида ўтказилди.

Телевидение, радио, матбуот ва интернет йўналишларида энг яхши деб топилган ижодий ишларнинг муаллифлари ҳамда ушбу йўналишда алоҳида намуна кўрсатган тарғиботчилар қуйидаги йўналишлар бўйича махсус диплом ва қимматбаҳо мукофотлар билан тақдирланди:

Матбуот йўналиши бўйича:

1-ўрин Одилхон Исмоилов (Тошкент шаҳар «Шайх Зайниддин» масжиди имом-хатиби);

2-ўрин Муҳтарама Улуғова («Мовароуннаҳр» нашриёти муҳаррири);

3-ўрин Жаҳонгир Жўраев (Дин ишлари бўйича қўмита ходими).

Телевидение йўналиши бўйича:

1-ўрин Ҳайитов Шуҳрат («Ўзбекистон» телеканали «Маданий-маърифий ва бадиий дам олиш дастурлар» бош муҳарририятининг бош муҳаррири);

2-ўрин Уйғун Ғофуров (Тошкент ислом институти ректори);

3-ўрин Илҳом Маърупов («Мовароуннаҳр» нашриёти муҳаррири);

Интернет йўналиши бўйича:

1-ўрин Раҳматулла Сайфуддинов (Тошкент шаҳридаги «Мирза Юсуф» жоме масжиди имом-хатиби);

2-ўрин Олимхон Юсупов (Самарқанд вилояти «Махдуми Аъзам» жоме масжиди имом-хатиби);

3-ўрин Зоиржон Содиқов (Тошкент шаҳар вакиллиги ходими).

Радио йўналиши бўйича:

1-ўрин Шамсиддин Бауатдинов (Қорақалпоғистон Республикаси мусулмонлари қозиёти қозиси);

2-ўрин Хайрулло Турматов (Тошкент вилояти бош имом-хатиби);

3-ўрин Фарҳод Абдуллаев («Зиё» медиа маркази вакили).

Йилнинг энг фаол тарғиботчиси:

1-ўрин Раҳимберди Раҳмонов (диний идора Масжидлар бўлими мудири);

2-ўрин Нозима Ибрагимова («Хадичаи Кубро» билим юрти мудираси);

3-ўрин Дамин Жумақулов («Мовароуннаҳр» нашриёти муҳаррири).