Фотогалерея: Жангари фильмларнинг ҳақиқий қаҳрамонлари «соядан чиқди»

AdMe фильмларда бош қаҳрамонларнинг ўзлари уддалашга қийналадиган хавфли трюкларни аслида кимлар ижро этиши ҳақида маълумот тўплаб тақдим этди.

Жейкоб Томури — Том Хардининг дублёри

Том Хардининг сўнгги фильмлари — Mad Max, «Афсона» ва «Омон қолган» фильмларидаги энг хавфли ва мураккаб саҳналарни айнан Жейкоб ижро этган.

Бастер Ривз — Бред Питт ва Том Хардининг дублёри

Бастер Ривз — актёр, каскадёр ва кўплаб машҳур фильмларда, жумладан, «Тахтлар ўйини», «Троя», «Қора рицарь» каби фильмларда трюклар саҳналаштирувчиси. Ривз 13 ёшида Гиннеснинг рекордлар китобидан жой олган: у бир дақиқа ичида оёғи билан манекеннинг бошига 218 та зарбани амалга оширган. Кейинчалик Ривз ушбу рекордини янгилаб, зарбалар сонини 256 тага чиқарган.

Таноай Рид — Дуэйн Жонсоннинг дублёри

Улар бир-бирига жуда ўхшаш бўлганлиги сабаб суратга олиш вақтида гримчиларнинг хизматига у қадар эҳтиёж сезилмайди.

Пол Дарнелл — Роберт Паттинсоннинг дублёри

Вампир Эдвард Каллинга қийинчилик туғдирувчи саҳналарни Пол Дарнелл ижро этган.

Моник Гандертон — Шарлиз Тероннинг дублёри

Моник Гандертон Сигурни Уивер, Лили Собески, Дэрил Ханна, Ребекка Ромин, Фамке Янссен ва Шарлиз Терон фильмларида мураккаб саҳналарни ижро этувчи каскадёр бўлибгина қолмай, ўзи ҳам актриса сифатида кинода роль ижро этади. Унинг «Х одамлар: Қиёмат куни» ва «Ғайритабиий» каби фильмлари машҳур.

Хайди Манимейкер — Скарлетт Йоханссоннинг дублёри

Хайди трюкларни ижро этувчи бошқа каскадёрлар каби ёшлигидан гимнастика билан шуғулланган. Marvel’нинг фильмларидаги Наташа Романофф ижро этган бирорта роль Хайдининг иштирокисиз суратга олинмаган.

Бобби Холланд — Крис Хэмсвортнинг дублёри

Бобби Холланд ўзининг тўрт йиллик умрини профессионал каскадёр бўлишга сарфлаган. Ҳозирда у 35 дан ортиқ тўлиқ метражли фильмларда қатнашган.

Люси Ромберг — Дрю Бэрримор, Мелисса Маккарти ва Питер Динклейжнинг дублёри

Люси Ромбергни кучли иродаси сабаб «Пўлат» Люси деб аташади. У ўз вақтини эркакларга хос бўлган спорт турларига — фриран ва паркурга сарфлайди. Шу билан бирга кино унинг ижодини ажралмас қисмига айланиб улгурган.

Киран Шах — Элайжа Вуднинг дублёри

«Узуклар ҳукмдори» трилогиясида бош қаҳрамонга айнан Киран Шах дублёрлик қилган.