Британиялик 42 ёшли Сью ва 46 ёшли Ноэль Рэдфорд яқинда 20-фарзандига ота-она бўлди. Эр-хотин Арчи уларнинг охирги фарзанди бўлишини айтмоқда, деб ёзади Mopster.
Бу оилада 10 ўғил ва 9 қиз ўсиб-улғаймоқда. Тўнғич фарзанд — 28 ёшли Крис бўлса, энг кенжаси — бир яшар Фиби (Арчидан олдин). Арчи эса оиланинг 11-ўғлига айланди.
Рэдфордларнинг қизи Софи уч марта она бўлишга улгурди, демак Сью ва Ноэль нафақат ота-она, балки бобо ва буви ҳамдир.
Биринчи боласини Сью 14 ёшида дунёга келтирган ва 18 ёшга тўлганидан сўнг Ноэль билан расман никоҳдан ўтган.
Катта оила ўн хонали уйда яшайди ва микроавтобусда ҳаракатланади.