Ўзбекистонлик чарм қўлқоп устаси Қудратилло Абдуқаҳҳоров 18 ноябрь куни Лас-Вегасда ҳисоб бўйича ўзининг 13-жангини ўтказиши керак эди. Бироқ у виза муаммоси сабаб Ўзбекистонга қайтиши ҳақида айтди.
Режага кўра, Қудратилло декабрь ойида яна АҚШга жўнаб кетади. У январь ойида чемпионлик камари учун рингга кўтарилиши керак. Чарм қўлқоп устаси айни пайтда WBC йўналишининг ўз вазн тоифасида жаҳоннинг 5-рақамли боксчиси бўлиб турибди.
66,7 килограмм вазн тоифасида жанглар ўтказиб келаётган Абдуқаҳҳоров мураббий Илгар Алиев қўл остида Филиппин пойтахти Манилада машғулот ўтказганди. Айтилишича, чемпионлик камари учун фақатгина 1 та жанг қолган. Бу йўлда спортчи яна бир рейтинг жангида зафар қучиши керак.
Қудратилло Абдуқаҳҳоров ҳозирга қадар профессионал рингда 12 та жанг ўтказган бўлиб, уларнинг барчасида рақибларини мағлуб этган. 8 та жангида нокаут билан зафар қучган.
Изоҳ (0)