Facebook ижтимоий тармоғи АҚШнинг ҳозирги президенти Дональд Трампнинг 2016 йил сайловларидаги ғалабасини таъминлади, Twitter эса шунчаки омма билан боғланишига кўмаклашди. Бу ҳақда республикачининг сайловолди штаби рақамли технологиялар бўйича собиқ мутахассиси Брэд Парскейл CBS телекомпаниясига берган интервьюсида маълум қилди, деб ёзади «ТАСС».
«Аввал бошдан Дональд Трамп ғалаба қозонишини Facebook белгилаб беришини англаб етдим. Twitter кишилар билан алоқа боғлаш воситаси бўлди. Facebook эса унинг ғалабасини таъминлаши керак эди», — дейди эксперт.
Телекомпаниянинг таъкидлашича, айнан Парскейл турли ижтимоий тармоқлардаги пухта ўйлаб чиқилган ва қиммат бўлмаган сиёсий реклама учун жавобгар бўлган.
«Бугунги кунда Facebook телевидениедаги эълонлар ёрдамида етиб боришингиз даргумон бўлган жойларга етиш имконини беради», — дея аниқлик киритади Парскейл.
Экспертнинг таъкидлашича, Трамп собиқ давлат котиби Ҳиллари Клинтон қўлдан бой берган имкониятлардан фойдаланган.