20 декабрь куни Испания Ла Лигасида Мадриднинг «Реал» ва Каталониянинг «Барселона» клублари тўқнаш келиши керак эди. «Қироллик клуби» мазкур беллашув санасини ўзгартиришни сўраб, Ла Лига раҳбариятига мурожаат қилди ва бунга ижобий жавоб олди.
Чемпионлар Лигасининг амалдаги ғолиби сифатида «Реал» 6—16 декабрь кунлари клублар ўртасидаги Жаҳон Чемпионатида иштирок этади. Амирликларда бўлиб ўтадиган мусобақадан қайтган жамоа, тўрт кун ичида яна бир катта ўйинга тайёргарлик кўриб улгурмаслиги мумкин.
Вазиятни ўрганиб чиққан Ла Лига, «Эль-Класико»ни 23 декабрда бўлиб ўтишини маълум қилди. Учрашув Тошкент вақти билан 16:00 га режалаштирилган.
Мавсумни «Реал» ва «Барселона» Испания Суперкубоги билан очиб берган бўлиб, ҳар икки ўйинда ҳам мадридликларнинг қўли баланд келганди — 3:1, 2:0.
Изоҳ (0)