2 сентябрь куни «Заковат» интеллектуал шоусининг илк иштирокчилардан бири Фарҳод Акбаров оламдан ўтди. Бу ҳақда блогер Хушнудбек Худайбердиев Facebook’даги саҳифаси орқали маълум қилди.
Фарҳод Акбаров эндигина 38 га кирган эди. Унинг вафотига нима сабаб бўлгани айтилмади.
Фарҳод Акбаров «Заковат»да 2001–2005 йилларда иштирок этган ва ўз жамоаси билан бир неча марта чемпион бўлган.
«Фарҳод Акбаров кўпчилик ‘Заковат’ билимдонлари сингари шахсан мен учун ҳам ҳақиқий афсона эди! Айнан уларнинг ўйинларини кўриб, уларнинг билимдонлигига ҳавас қилиб, қалбимизда ‘Заковатъга бўлган меҳр, иштиёқ пайдо бўлган. ‘Заковатъга дастлабки йилларидан мухлис бўлган инсон борки, ҳаммаси Фарҳод Акбаров жамоасининг ўйинидан роҳат олишган, ўзгача шавқ билан томоша қилишган. Дастлабки таассурот кучли бўлади, дейишади. ‘Заковатънинг илк йиллари Фарҳод Акбаров каби кучли билимдонлар билан бошлангани кўрсатувнинг келажаги учун катта ютуқ бўлган, деб бемалол айтиш мумкин», — деб ёзади Хушнубдек Худайбердиев.
Шунингдек, Facebook’даги «Заковат интеллектуал кўрсатуви» гуруҳи ҳам Фарҳод Акбаровнинг вафоти муносабати билан марҳумнинг оила-аъзоларига ҳамдардлик билдирди.
‘Заковат’ интеллектуал кўрсатувининг илк қалдирғоч билимдонларидан бири бўлган Фарҳод Акбаровнинг вафоти муносабати билан уларнинг оила аъзолари ва яқинларига ҳамдардлик билдирамиз.Мазкур хабар бутун клуб аъзоларини чуқур қайғуга солди.Фарҳод Акбаровнинг ёрқин хотираси қалбимизда ҳамиша сақланиб қолади.Ҳурмат билан,‘Заковат’ интеллектуал клуби аъзолари.
Изоҳ (0)