«Ливерпуль» Чемпионлар лигаси гуруҳ босқичи учун Бундеслига кашфиёти «Хоффенхайм» билан курашади

Кеча — 4 август куни футбол бўйича Европа Чемпионлар лигасининг плей-офф босқичига қуръа ташлаш маросими бўлиб ўтди.

Плей-офф гуруҳ босқичи олдидан сўнгги саралаш раунди вазифасини ўтаб беради. Гуруҳ босқичида иштирок этувчи 22 жамоа номи аллақачон аниқ бўлиб улгурган. Плей-оффдаги 10 та ўйиндан кейин эса яна 10 та клуб гуруҳ босқичида кураш олиб бориш имкониятини қўлга киритади.

Германия Бундеслигасининг сўнгги мавсумида катта шов-шув кўтарган «Хоффенхайм» Чемпионлар лигасида иштирок этиш бахтига ўз тарихида илк бор мушарраф бўлганди. 29 ёшли мураббий бошқарадиган жамоа гуруҳ босқичи чиптасини қўлга киритиши учун тажрибали Юрген Клопп бошқарадиган «Ливерпуль» довонидан ўтиши керак бўлади.

Қуйида плей-оффнинг барча жуфтликлари билан танишиб олишингиз мумкин.

Европа Чемпионлар лигаси Плей-офф босқичи 15—16 август

Чемпион жамоалар довони«Селтик» (Шотландия) — «Астана» (Қозоғистон)«Қорабоғ» (Озарбайжон) — «Копенгаген» (Дания)«AПОЭЛ» (Кипр) — «Славия» (Чехия)«Олимпиакос» (Греция) — «Риека» (Хорватия)«Хапоэл Б-Ш» (Исроил) — «Марибор» (Словения)

Сараланган жамоалар довони«Янг Бойз» (Швейцария) — «ЦСКА» (Россия)«Хоффенхайм» (Германия) — «Ливерпуль» (Англия)«Наполи» (Италия) — «Ницца» (Франция)«Истанбул Б» (Туркия) — «Севилья» (Испания)«Спортинг» (Португалия) — «Стяуа» (Руминия)