Asian Championship U23. Ўзбекистон миссияни биринчи бўлиб уддалади. Эрон эса четда қолди

2018 йилнинг январь ойида Хитой 23 ёшгача бўлган футболчилар ўртасидаги Осиё чемпионатига мезбонлик қилади.

Июль ойининг иккинчи ярмида мазкур мусобақада иштирок этишни истаган Осиё мамлакатлари саралаш турнирида қатнашди. Жумладан, Равшан Ҳайдаров мураббийлик қилган Ўзбекистон U23 термаси Амирликларда бўлиб ўтган саралашни 1-ўринда якунлаб, қитъа чемпионатига берилган биринчи чипта соҳибига айланди.

ОФК маълумотига кўра, Asian Championship U23 да иштирок этадиган барча — 16 мамлакат номига ойдинлик киритилди. Бунда Ўзбекистон билан рақобатлашган БАА олимпиячилари йўқ. Улар энг яхши натижа қайд этган 5 та 2-ўрин эгалари қаторида жой ола билмади. Агар Ўзбекистонга қарши беллашувда Жавоҳир Сиддиқовнинг 90-дақиқадаги голи бўлмаганида, катта эҳтимол билан БАА олимпиячиларига қитъа чемпионати йўлланмаси насиб қилиши мумкин эди.

Шунингдек, Эрон терма жамоаси ҳам саралашни суст ўтказиб, мусобақадан четда қоладиган бўлди. Илк ўйинда Қирғизистон устидан 2:1 ҳисобида зафар қучган эронлик футболчилар, 2-турда Уммондан енгилганди — 0:2.

Қуйида мусобақанинг барча — 16 иштирокчиси келтириб ўтилган.

Asian Championship U23

• Жанубий Корея
• Япония
• Австралия
• Ўзбекистон
• Саудия Арабистони
• Қатар
• Хитой
• Иордания
• Сурия
• Ироқ
• Таиланд
• КХДР
• Уммон
• Вьетнам
• Фаластин
• Малайзия