Фотогалерея: Сахийлиги одамларни ҳайратлантирадиган машҳурлар

Бой ва таниқли одамлар ўз сахийлиги билан кўпчиликни лол қолдиради. AdMe нашри ўз сахийлиги билан танилган машҳурлар фотожамланмасини тақдим этди.

Сезария Эвора

Кабо-верделик хонанда ўз мамлакатининг бошланғич таълим тизимини тўлалигича, ўрта ва олий таълим тизимини қисман, шунингдек, мамлакат соғлиқни сақлаш тизимининг ярмини молиялаштирган. Сезария Эвора туфайли минглаб одамлар камида ўқиш ва ёзишни ўрганган.

Киану Ривз

Актёр лейкемияга қарши курашиш учун болаларга ёрдам берувчи жамғармаларга ва ҳайвонларни ҳимоя қилувчи ташкилотларга миллионлаб доллар ҳадя қилган. Бундан ташқари, «Матрица» фильмининг иккинчи ва учунчи қисмларининг либослари ва махсус эффектлари билан шуғулланган ходимларга гонорар ажратган. Шу тариқа у 75 миллион долларни сарф қилишга иккиланмаган. «Матрица» тасвирга олинган студия ишчиларининг сўзларига кўра, актёр юлдузли таркибнинг ҳар бир ходим билан саломлашадиган ягона вакили бўлган. Ходимлардан бирига унинг оғир вазиятда эканлигини эшитиб, 20 минг доллар совға қилган.

Жорж Майкл

Қўшиқчи бепул концертлар уюштириб, камбағал одамларга ёрдам бериш учун миллионларни сарфлаган ва бу ишларни сирли равишда амалга оширишга ҳаракат қилган. Шунинг учун у томонидан амалга оширилган кўплаб яхши ишлар унинг вафотидан сўнг маълум бўлган. Гувоҳларнинг айтишича, Жорж нотаниш одамларнинг қарзларини тўлаган.

Пол Уокер

Пол Уокер ҳам ўз сахийлигини оммага ошкор қилмаган. Бу ҳақда у 2013 йилда вафот этганидан сўнг маълум бўлган. Заргарлик дўконининг собиқ ходими айтишича, Пол ёш келин куёвлар дўконда никоҳ узуги танлаётганини кўрган. Бироқ ёшлар ўзларига ёққан узукни сотиб ола олмаган. Актёр уларга ёққан узук учун тўққиз минг доллар тўлаган ҳамда дўкон ходимларидан келин ва куёвга узукни аноним тарзда олиб бориб беришни сўраган ва шундай ҳам қилинган.

Хосе Мухика

Уругвайнинг собиқ президенти »энг камбағал президент» сифатида танилган. У ўз даромадларининг катта қисмини муҳтожларга берган ва ўзи қишлоқ уйида яшаган, эски Volkswagen Beetle автомобилида юрган, ўз фуқаролари борадиган клиникага борган ва улар билан бирга шифокор қабулига кириш учун навбатида турган. Унинг рафиқаси Лусия Тополански ҳам ўз даромадларининг бир қисмини камбағалларга ёрдам бериш учун сарфлаган.

Эллен Деженерес

Яхшилик ерда қолмайди. 22 ёшли официант Сара Хойдал ўзи хизмат кўрсатган икки ҳарбий аёлнинг ҳисобини тўлаган. У атиги 27,75 доллар бўлган. Бироқ оддий аскар ва ўз боласини ёлғиз ўстираётган Сара учун бу кам сумма бўлмаган. Шу куни Сарада атиги саккиз доллар қолган ва эски автомобилига ёқилғи қуйиш учун ҳам етмаган. Телебошловчи Эллен Деженерес Саранинг бу иши ҳақида эшитган ва уни ўз шоусига таклиф қилиб, унга 10 минг доллар ва телевизор совға қилган. Кейинроқ эса телебошловчи Сарага машина ҳам совға қилган.

Мэнни Пакьяо

Мэнни Пакьяо кўп болали жуда камбағал оилада туғилган. Ҳаёт кечириш учун у ёшлигида мактабни ташлаган ва кўчада кулча сотган. Бу вақтда у бокс билан шуғулланишга вақт топа олган ва ўзининг мустаҳкам иродаси туфайли бутун дунёга машҳур боксчига айланган. Ўзини тиклаб олган Мэнни қўшниларига ёрдам беришга қарор қилган ва улар учун уй қурдира бошлаган. Ҳозирги кунда бундай уйларнинг сони мингдан ошган, «Пакман Виллаж« деб номланган қишлоқ юзага келган. Қишлоқда уйлардан ташқари, спорт билан шуғулланиш учун майдон ва кўп вазифали марказ ҳам қурилган.

Чарльз Фини

Duty Free тармоғининг асосчи «миллиардларсиз миллиардер» деб аталади. Чунки у ўз бойлигининг (олти миллиард доллардан ортиқ) деярли барчасини кўплаб мамлакатларда хайрия ишларига сарфлаган. Ҳозир Чарльз Фини 86 ёшда ва у ўз режаси бўйича 2020 йилгача ўз ихтиёридаги маблағларни таълим, соғлиқни сақлаш ҳамда инсон ҳуқуқлари ҳимояси соҳаларини ривожлантиришга сарфлашни давом эттирмоқда.

Жоан Роулинг

«Гарри Поттернинг онаси» хайриялар учун шунчалик кўп маблағ сарфлаганки, миллиардер хонимдан миллионер хонимга айланган. У муҳтожларга 160 миллион доллар ёки ўз бойлигининг 16 фоизини берган. Роулинг олинган гонорарларни (тахминан 30 миллион доллар) турли жамғармаларга йўналтириш учун бир нечта китоб ёзган. Бундан ташқари, унинг ўз хайрия жамғармаси бор.

Элвис Пресли

Rock & roll қироли автомобилларни ёқтирган ва доимий сотиб олган. Бир кун янги автомобиль сотиб олиш учун салонга борганда, нотаниш аёлнинг кадиллакка мафтун бўлиб турганини кўрган. Нотаниш аёлга машина ёққанлигини билиб, уни сотиб олган ва аёлга совға қилган. Бу хабар радио янгиликларида эшиттирлган. Радиобошҳловчи ҳазил қилиб, у ҳам шундай совға олишни хоҳлашини айтган. Шу вақтда радио эшитиб турган Элвис бошловчига қонғироқ қилиб, ундан қайси рангдаги автомобилни ёқтиришини сўраган ва унга ҳам шундай совғани тақдим этган. Элвис 100 дан ортиқ, баъзи манбаларга кўра икки баравар кўпроқ машинани совға қилиб юборган. Унинг сахийлиги ҳақида ҳужжатли фильм суратга олинган.

Ники Минаж

Енгил-елпи имиж хонанданинг сахийлик қила олмаслигини билдирмайди. У яқинда ихтиёрий мамлакатдаги ўз талаба мухлисларининг талабалик заёмларини тўлашга қарор қилди. Фақат Ники талабанинг яхши ўқиши ва пулларни ўқиш ва китоблар сотиб олиш учун ишлатилиши ҳақида тасдиқ олиши керак.