Жозе Моуриньо бошчилик қилаётган Англиянинг «Манчестер Юнайтед» футбол клуби Европа лигасининг финали сари биринчи қадамни ташлади.
Ярим финалнинг илк учрашувини Вигода «Сельта»га қарши ўтказган «манкунианлар» Маркус Рэшфорднинг ягона голи эвазига зафар қучди. Томонларнинг жавоб ўйини 11 май куни бўлиб ўтади.
Маълумот учун, «Юнайтед» нимчорак ва чорак финал беллашувларининг сафар ўйинларида 1:1 ҳисобини қайд этиб, рақибларини «Олд-Траффорд»да таслим қилаётганди. Бу сафар эса меҳмондаги ўйиннинг ўзидаёқ манчестерликларга омад кулиб боқди.
Ярим финалнинг биринчи тўқнашувида Голландиянинг «Аякс» клуби Франциянинг «Лион»и устидан 4:1 ҳисобида зафар қучганди.
Европа лигаси Ярим финал 4 май, пайшанба