АҚШ қуролли кучлари Марказий қўмондонлиги АҚШ авиацияси 16 март куни Суриянинг Ал-Жина қишлоғи ташқарисидаги иншоотга зарба берганини тан олди, деб ёзади «РБК». Бино масжиднинг бир қисми бўлган.
CNN телеканали маълум қилишича, ҳужумдан бир неча кун ўтгач, Пентагон зарба натижасида масжидга зарар етгани ҳақидаги маълумотларни рад этган эди. Мудофаа вазирлиги масжид яқинидаги бинога жойлашиб олган «Ал-Қоида» жангариларигина йўқ қилинганини таъкидлаб туриб олганди.
CNN қайд этишича, америкалик ҳарбийларнинг диний мақсадда фойдаланиладиган биноларга зарбалар бериши тақиқланган.