Супер-оғир вазнда жаҳоннинг собиқ чемпиони Руслан Чагаев ватани Ўзбекистонга ташриф буюрди, деб хабар берди «Оламспорт». Нашр бунда MMA_Uzbekistan Instagram саҳифасидаги суратга асосланган.
Расмда Чагаев дўстлари билан сомса тановул қилаётганини кўриш мумкин. Қайд этилишича, айни пайтда Чагаев ўзи туғилган Андижонда бўлиб турибди.
30 апрель куни Тошкентда бокс бўйича Осиё чемпионати старт олганди. Эртага — 5 май куни мусобақанинг ярим финал жанглари бўлиб ўтади. Унга 10 нафар ўзбекистонлик боксчининг 9 нафари йўл олган бўлиб, Чагаев катта эҳтимол билан мана шу жангларни бевосита кузатади.