Uzreport профессионал бокснинг супер-оғир вазнидаги спортчилари — Владимир Кличко ва Энтони Жошуа ўртасидаги чемпионлик жангини бугун — 30 апрелга ўтар кечаси тунги 1:40 дан бошлаб намойиш этади.
Бугунги бокс кечасини UzReport телеканалида Давран Файзиев шарҳлаб боради. У ўзининг Facebook саҳифасида мазкур жанг олдидан қуйидаги фактларни ёзиб қолдирди.
- Владимир Кличко ва Энтони Жошуа 16 йиллик фарқ билан Олимпиада чемпионлигини қўлга киритган. 1996 йилда Владимир, 2012 йили ўз уйида Энтони.
- Жошуа Олимпиадани ютганида Кличко профрингда 50 дан ортиқ жанг ўтказиб бўлганди.
- Кличко Олимпиада чемпиони бўлганида Жошуа 6 ёшда эди.
- Энтони Жошуа — профессионал рингда 18 жанг, 18 ғалаба ва 18 нокаут.
- Жошуага қарши чиққан рақиблардан ҳеч ким еттинчи раундан нарига ўта олмаган.
- Кличко бокснинг супероғир вазнида энг узоқ вақт давомида чемпион бўлган боксчилардан бири ҳисобланади.
- Рақиблари бўйида фарқ йўқ. Энтони қўлларининг узунлиги бўйича устун. Бу эса Кличкога қарши чиқадиган боксчиларда кам учрайдиган ҳолат.
- Икки йил олдин Жошуа Кличко иштирок этган машғулотда спаринг шерик ролини ўйнаганди. Ўшанда Владимир ёш боксчининг улкан потенциали ва кучига тан бериб, уни оғир вазн келажаги деб айтганди.
- Жангни «Уэмбли» стадионида 86.000 мухлис томоша қилади. Рекордга яқин кўрсаткич.
- Букмекерлик компаниялари тарихда иккинчи бор бокс олдидан Кличкони фаворит деб эътироф этмаяпти.
- Бу «тажриба» ва «ёшлик» ўртасидаги классик тўқнашув.
Тезкор Жошуада имкон дастлабки беш раундда бўлади. Ундан ўтиб кетса, Кличко бир неча ўн йил ичида ёзган бокс китоблари кутубхонасига олиб кириб, дарс бериб қўяди.Даврон Файзиев, шарҳловчи