Франциянинг Канн шаҳрида жойлашган Grand Hyatt Martinez меҳмонхонасини дунёнинг энг қимматбаҳо меҳмонхонаси деб аташ мумкин. Бу ҳақда Россия Туроператорлари ассоциацияси тадқиқотларида маълум қилинди.
Ушбу меҳмонхонадаги президент люкс хонасини суткасига 45 минг долларга банд қилиш мумкин. Унинг майдони 300 квадрат метрни ташкил қилади. Экспертларнинг таъкидлашича, бу Европадаги энг катта пентхауслардан биридир.
Грециянинг Аттике Лагонисси хусусий оролида жойлашган Grand Resort Lagonissi меҳмонхонаси рейтингнинг иккинчи ўрнидан жой олди. Бу ердаги қироллик вилласи учун бир кунга 35 минг доллар тўлашга тўғри келади. Меҳмонхонадаги ҳар бир турар-жой ўз пляжи, бассейни, шахсий бош хизматкори, бош ошпази ва ҳатто пианиночисига эга.
Рейтинг учлигидан Нью-Йоркнинг Four Seasons меҳмонхонаси ҳам жой олди. Бу ердаги пентхаусни суткасига 34 минг долларга ижарага олиш мумкин. Бу маблағ эвазига меҳмонхона 52-қаватидаги 400 метрлик апартамент сайёҳ ихтиёрига берилади.
4-ўрин. Atlantis Paradise Island Resort (Парадайз ороллари, Багама ороллари)
Қироллик хонаси — 25 минг доллар.
5-ўрин. Laucala Island Resort (Вануа-Леву ороллари, Фижи)
Вилла — 25 минг доллар.
6-ўрин. The Connaught (Лондон, Англия)
Апартаментлар — 23,5 минг доллар
7-ўрин. Burj al-Arab (Дубай, БАА)
Қироллик хонаси — 18 минг доллар.
8-ўрин. Raj Palace (Жайпур, Ҳиндистон)
Люкс апартаментлари — 17,5 минг доллар.
9-ўрин. Le Richemond (Женева, Швейцария)
Қироллик хонаси — 17,5 минг доллар.
10-ўрин. Park Hyatt-Vendôme (Париж, Франция)
Император хонаси — 15 минг доллар.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)