Европа Чемпионлар лигасининг чорак финалидан жой олган «Барселона» — «Ювентус» ўйини UzReport телеканалида тўғридан-тўғри кўрсатилади.
Томонларнинг Турин шаҳрида ўтган биринчи учрашувида «Ювентус» 3:0 ҳисобида зафар қучганди. «Камп Ноу»даги жавоб ўйини бугун — 19 апрель куни Тошкент вақти билан 23:45 да старт олади.
Бугун, шунингдек, пареллел равишда «Монако» — «Боруссия Дортмунд» ўйини ҳам бўлиб ўтади. Каталониядаги ўйин сабаб Монакодагиси 20 апрель куни 16:00 да — ёзиб олинган ҳолда намойиш этилади. Бу учрашувнинг биринчисида «Монако» 3:2 ҳисобида устун келганди.
«Барселона» — «Ювентус» ўйинини кўра олмаган ишқибозлар 20 апрель куни соат 13:00 да унинг такрорини томоша қилиш имкониятига эга бўлади.
Изоҳ (0)