«Юнайтед»да қадр топмаган Бастиан Швайнштайгер Америкадаги илк ўйинидаёқ гол урди

«Манчестер Юнайтед»даги фаолиятидан кейин АҚШнинг «Чикаго Файр» клуби билан шартнома имзолаган Бастиан Швайнштайгер дебют ўйинидаёқ гол урди.

Мамлакат чемпионати доирасида «Чикаго Файр» «Монреаль Импэкт» клубига қарши кураш олиб бориб, 2:2 ҳисобида дуранг ўйнади. Беллашувнинг 17-дақиқасида Бастиан боши билан меҳмонлар дарвозасини аниқ ишғол қилишга эришди.

Кейинроқ Монреаль клуби иккита гол урди. Иккинчи гол 90-дақиқада киритилди. Шунга қарамай, Швайнштайгер тўп сураётган жамоа мағлубиятдан қутулиб қолди. Ҳисоб 93-дақиқада тенглашди.

Маълумот учун, «Чикаго Файр» 4 та ўйинда 5 очко жамғариб, 11 та жамоа чемпионлик учун кураш олиб бораётган лигада 7-ўринни эгаллаб турибди.