Луис Энрикени истеъфога чиқараётган «Барселона» президенти «Тоттенҳэм» бош мураббийи билан учрашди

Испаниянинг «Барселона» клуби президенти Жозеп Бартомеу «Тоттенҳэм» устози Маурисио Почеттино билан учрашди. Бу ҳақда инглиз матбуоти хабар берган.

Бунда ОАВ Бартомеу ҳамда Почеттино ўртасидаги муносабатлар илиқ эканига асосий урғуни берган бўлса-да, «Тоттенҳэм» раҳбариятининг учрашувдан хабари бўлмагани папарацциларни шошириб қўйган. Бунда гап катта эҳтимол билан аргентиналик мураббийнинг «Барселона»да иш бошлаши борасида борган бўлиши ҳам мумкин.

Маълумки, каталонияликлар устози Луис Энрике мавсум сўнггида истеъфога чиқиши борасида айтиб бўлган. Айни вақтда «Барселона» раҳбарияти клуб академиясидан муваффақиятлар йўлида унумли фойдалана оладиган мураббий излаш ишлари билан банд.

Почеттино Лондон клубида айнан шундай фаолият олиб бормоқда. Ўртача ёш борасида «Тоттенҳэм» анча кичик бўлса-да, АПЛда кучли тўртлик учун бемалол кураша олади.

Бартомеу ва Почеттино айнан нима масалани муҳокама қилгани ёки бу келишув нима бериши мумкинлиги ОАВ учун аниқ эмас.