Футбол бўйича Ўзбекистон Олий лигасининг 2-туридан жой олган уч беллашув хотин-қизлар халқаро байрами куни бўлиб ўтди.
Мамлакатнинг амалдаги чемпиони «Локомотив» ўз майдонида «Сўғдиёна» устидан 3:0 ҳисобида зафар қучди. Жиззах клуби бир тур аввал «Бунёдкор» майдонида 70-дақиқадан кейин гол ўтказиб юборганди, бу сафар «Локомотив» стадионида ҳам шунча дақиқа туриб бера олди.
«Локомотив»дан ташқари Олий лигага қайтган «Динамо» ҳам кетма-кет иккинчи ғалабасини қўлга киритди. Самарқандда «Шўртан»ни қабул қилган клуб 4 йил-у 4 ой олдин ўзининг элитадаги сўнгги йирик муваффақиятига эришганди, деб ёзди «Championat.asia». «Динамо» ўшанда «Андижон» клубини ҳам 3:0 ҳисобида мағлуб этганди.
Мавсумни «Қизилқум» устидан қозонилган ғалаба билан бошлаган «Пахтакор» Фарғонада 2 очко йўқотди. «Нефтчи»га қарши ўйин давомида дарвозалар даҳлсиз қолди.
Ўзбекистон Олий лигаси 2-тур 8 март, чоршанба«Динамо» — «Шўртан» 3:0
Голлар: Сардор Сулаймонов, 15 (1:0). Акмал Бозоров, 48 (2:0). Абдумалик Абдуллаев, 68 (3:0).«Локомотив» — «Сўғдиёна» 3:0
Голлар: Марат Бикмаев, 70-пен (1:0). Тимур Кападзе, 82 (2:0). Жалолиддин Машарипов, 84 (3:0).«Нефтчи» — «Пахтакор» 0:0
Изоҳ (0)