Буюк Британия ҳукумати мамлакатнинг Европа Иттифоқидан чиқиш режаси — «Оқ китоб»ни чоп этди. 77 саҳифадан иборат ҳужжат ҳукумат сайтида эълон қилинди, деб ёзади «Коммерсант.ru».
Унда қироллик бош вазири Тереза Мей январь ойи ўртасидаги дастурий нутқида белгилаб берган 12 низом кўрсатиб ўтилган.
Буюк Британия Европа Иттифоқидан чиқишда амал қилувчи тамойиллар орасида, жумладан, Европа Иттифоқи билан божсиз савдо ҳақида битим тузилиши ҳам белгиланган.
Ҳужжатда чегараларда ва божхона жараёнларида назорат жорий этилиши ҳам кўзда тутилган, бироқ Европа Иттифоқидан чиққандан сўнг ушбу низомларни амалга ошириш учун қанча вақт талаб этилиши маълум қилинмаган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.