Алишер Навоий номидаги Кино саройида «Ўзбеккино» миллий агентлиги буюртмаси асосида суратга олинган «Зурриёд» бадиий фильми томошабинлар эътиборига ҳавола қилинди. Бу ҳақда ЎзА хабар бермоқда.
Фильмда яқин ўтмиш ва бугун, қишлоқ ва шаҳар ҳаёти, инсонлар орзу-ҳаваси, армонлари ҳикоя қилинади. Фильм воқеаларига собиқ тузум даврида «пахта иши» билан ноҳақ қамалган отахон тақдири ва унинг оиласи асос қилиб олинган.
Сценарий муаллифи ва режиссёр Абдухалил Мингноров, постановкачи оператор Рустам Муродов. Либослар бўйича рассом София Камолова. Ролларни Ўзбекистон халқ артисти Шафоат Раҳматуллаева, Ўзбекистон Республикасида хизмат кўрсатган артист Абдураҳмон Юсуфалиев, шунингдек, Шоҳрух Ҳамдамов, Дилобар Тошкенбоева, Муҳаммадисо Абдулхаиров, Гулбаҳор Арслонова, Жаҳонгир Шералиев каби актёрлар ижро этган.
Изоҳ (0)