Зимбабвенинг 92 ёшли президенти Роберт Мугабе ҳукмрон Африка миллий иттифоқи — Ватанпарварлик жабҳаси партияси съездига расмий либос ўрнига ёшларбоп пиджак кийиб келди. Бу ҳақда «ТАСС» хабар бермоқда.
Қора, қизил, сариқ, яшил ранглардаги турли расмлар туширилган либос Мугабе учун одатий бўлган расмий костюм ва қизил бўйинбоғнинг ўрнини эгаллади.
Либос дизайнини Зимбабвенинг биринчи хоними Грейс Мугабе ишлаб чиққани айтилмоқда.
«Зимбабве чой идиши мисоли, ва баримиз ундан ичамиз. Биз асосий емагимиз бўлган маккажўҳори ўстирамиз. Оловли лилияни ҳам тасвирладик. Биз ишонган етакчимиз айнан шундай кўринишдадир», — деб ғоясини тушунтирди Грейс.
Грейснинг ўзи ҳам тадбирга шундай матодан тикилган кўйлак ҳамда катта кумуш хочда келди.
Тахминларга кўра, либос 1980 йилдан буён мамлакатни бошқараётган Мугабе ҳали қариб қолмаганини кўрсатиши лозим эди. Илгарироқ у яна президент бўлиб сайланиш нияти борлигини билдирган эди.
Съездда Мугабенинг номзоди президентликка кўрсатилди.