Мадриднинг «Реал» клуби ҳужумчиси Криштиану Роналду жамоа Японияда давом этаётган клублар ўртасидаги жаҳон чемпионатида қатнашаётгани учун бугун, 12 декабрь куни бўлиб ўтадиган «Олтин тўп–2016» мукофотининг тақдимот маросимида иштирок эта олмайди. Бу ҳақда «Чемпионат» хабар бермоқда.
«Реал» 15 декабрь куни мусобақанинг ярим финалида Мексиканинг «Америка» клубига қарши баҳс олиб боради. Иккинчи ярим финалда Колумбиянинг «Атлетико Насьональ» жамоаси Япониянинг «Касима Антлерс» футболчиларига қаршилик кўрсатади.
Турнир финали 18 декабрь, якшанба куни бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.