Британиялик рок ижрочиси, Emerson, Lake and Palmer (ELP) ва King Crimson гуруҳлари аъзоси Грэг Лейк 69 ёшида оламдан ўтди. Бу ҳақда, AP’га асосланиб, «Интерфакс» хабар бермоқда.
«Кеча, 7 декабрь куни мен энг яхши дўстимни йўқотдим. У саратонга қарши узоқ курашди. Грэг Лейк қалбимда абадий қолади», — деб ёзди Twitter’даги саҳифасида Лейкнинг менежери — Стюарт Янг.
Лейк прогрессив рок йўналишининг асосчиларидан бири ҳисобланар эди. Унинг энг машҳур қўшиғи — I Believe in Father Christmas композицияси.
Тўққиз ой муқаддам Лейкнинг ELP гуруҳи бўйича ҳамкори Кит Эмерсон 71 ёшида оламдан ўтган эди.
Изоҳ (0)