Италияда 4 декабрь, якшанба куни бўлиб ўтган умуммиллий референдумда италияликларнинг аксарият қисми (60 фоизга яқин) бош вазир Маттео Ренци томонидан илгари сурилаётган конституциявий ислоҳотга қарши овоз берди. Бу ҳақда «ТАСС» хабар бермоқда.
Бу эса Ренцининг истеъфога чиқишига сабаб бўлмоқда.
Референдумнинг шундай натижа билан тугаш эҳтимоли катта эди. Чунки кўпчилик, нафақат мухолифат вакиллари балки Демократик партия тарафдорлари ҳам Ренцининг ташаббусига қарши чиқаётган эди.
Италияда қабул қилинган расмий жараёнга кўра, Ренци 5 декабрь, душанба куни истеъфога чиқиш ҳақидаги аризасини давлат раҳбари Сержо Маттареллага тақдим этади. Якуний қарорни президент қабул қилиши керак. У ёки истеъфони қабул қилиб, парламентнинг тарқатиб юборилиши ҳақида эълон қилади ёки истеъфодаги вазирдан техник кабинетни бошқаришни сўрайди. Ёки бунинг учун парламентдаги кўпчилик учун маъқул бўлган бошқа номзодни таклиф этади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.