Болливуднинг энг машҳур юлдузларидан бири Шоҳруҳ Хон «Вий-3» фильмида иштирок этади. Бу ҳақда, фильм продюсери Алексей Петрухинга асосланиб, «ТАСС» хабар бермоқда.
«‘Вий-3’ сифатида машҳур ‘Ҳиндистонга саёҳат: мангулик остонасида’ фильми лойиҳаси янги ҳамкор — машҳур Шоҳруҳ Хонга эга бўлди. У ҳам актёр, ҳам продюсер сифатида иштирок этади. Иштирок этиши илгарироқ маълум бўлган Ранвир Капур ҳам фильмда ишлашни давом этади», — маълум қилди Петрухин Мумбаида ўтаётган Россия киноси кунларида.
Режиссёр Олег Степченконинг мумтоз рус адиби Николай Гоголнинг «Вий» қиссаси асосида суратга олинган шу номли фильми 2014 йилда Россиянинг энг кассабоп картинаси бўлди. Шу боис унинг давомини суратга олишга қарор қилинди. Айни пайтда фильмнинг иккинчи қисми — «Вий-2: Хитойга саёҳат» устида иш давом этмоқда. Учинчи фильм воқеалари Ҳиндистонда бўлиб ўтади.
Изоҳ (0)