АҚШ президенти сайлови ғолибини тўғри топган Феликс лақабли оқ айиқ мукофот тарзида Дональд Трамп бюсти шаклидаги тортга эга бўлди. Бу ҳақда, Красноярск флораси ва фаунаси боғи сайтига асосланиб, «ТАСС» хабар бермоқда.
Айтилишича, жониворга совға қилинган торт хамирдан қилинмаган эди. Миллиардернинг боши тарвуздан, сочлари карамдан, танаси ичига балиқ ва гўшт солинган муздан, кўйлаги эса творогдан ясалган эди. Бундан ташқари, Трампнинг галстуги ҳам гўштдан қилинган эди.
Тортга қўшиб Феликсга топширилган қовоққа Trump Victory Felix сўзлари ўйиб ёзилган эди.
Сайлов арафасида Феликс йўлбарс Юнона билан биргаликда ўз номзодини танлаган эди. Бунинг учун иккита қовоққа номзодларнинг исмлари ёзилиб, йиртқичларга улардан бирини танлаш имконияти берилган эди. Юнонга Ҳиллари Клинтонни, Феликс эса Дональд Трампни танлаган эди.
Изоҳ (0)