Актёр Йигитали Мамажонов қўшиқчилар Манзура ҳамда Ирода Дилрознинг дуэт таронаси — «Мустаҳзод»да суратга тушаётгани ҳақида Манзура Instagram саҳифасида маълум қилди.
Клипнинг суратга олиш жараёни ҳақида қисқача ёзган Манзура от устида ўтирган Йигитали Мамажоновнинг суратини ўз саҳифасига жойлаб, актёрга «красавчик» дея таъриф берди: «Чиндан ҳам кино ва шоу-бизнесимизнинг барно йигити. У билан бирга ишлаш ва ижодини кузатиш завқ бағишлайди».
Йигитали Мамажонов бунга қадар қўшиқчи Лоланинг «Соғиндим», «Хабар ол» каби клипларида суратга тушганди. «Соғиндим» клипидан кейин эса унинг собиқ турмуш ўртоғи Райҳон Instagram саҳифасига ўз суратини жойлаган, айрим фойдаланувчилар эса унда Лоладан нафратланишлари борасида фикр қолдирганди.
Изоҳ (0)