«Арсенал»нинг чилилик ҳужумчиси Алексис Санчес ўзини Лионель Месси ёки Криштиану Роналдудан кучсиз деб ҳисобламаслиги ҳақида айтиб ўтди.
«Чемпионат» футболчидан шундай иқтибос келтирди: «Мен кучли футболчилар билан рақобатлаша олиш даражасига чиқа олганман ва ўзимни кимдандир кучсиз деб билмайман. Месси, Роналду ва мен битта қатордамиз. Улар қилган ишни мен ҳам қила оламан», — деди Санчес.
Ҳужумчи ўтган мавсум якунига кўра «Арсенал» сафида 41 та ўйин ўтказиб, 17 та гол урган ва 11 та голли узатмани амалга оширганди.
Изоҳ (0)