Бу шаҳарлар аҳолисига шу ерда яшаганлари учунгина ҳақ тўланади

Сайёрадаги айрим шаҳарлар у ёки бу сабабга кўра аҳолига муҳтож. Бундай шаҳарлар ҳудудида яшаган ёки ишлаган одамларга мўмайгина ҳақ тўланади.

AdMe еттита мана шундай шаҳар ҳақида ҳикоя қилади — у ерда яшаб, шу баҳона ҳам саёҳат қилиш, ҳам пул ишлаш мумкин.

Детройт, Мичиган, АҚШ

Бўшаб қолган Детройт ХХ асрнинг иккинчи ярмида «Ғарбий Париж», «АҚШнинг автомобиль пойтахти» сингари дабдабали сифатларини йўқотди. Ҳозир у эски шуҳратини тиклашга уринмоқда. Муаммони ҳал қилиш учун ҳукумат Challenge Detroit номли дастурни ишга туширди. Унга кўра, турли соҳа вакиллари шаҳарга кўчиб келиб ишласа, 2,5 минг доллар қўшимча маошга эга бўлади.

Аляска штати, АҚШ

Агар қишни, оппоқ табиат манзараларини, бир маромда, тўлғанишларсиз ҳаётни хуш кўрсангиз, Аляскадаги ҳаёт сизга маъқул келади. Махсус ҳукумат жамғармаси мавжуд бўлиб, у шимолий минтақанинг ҳаётида профессионал иштирок этишни истаганларга ҳақ тўлаб боради. Дастурнинг ягона талаби — Аляскада бир йил давомида яшаш.

Саскачеван провинцияси, Канада

Бу ҳудуд 2010 йилгача университетни битириб, келажаги борасида бир қарорга келмаган инсонларга яхши таклиф берди. Ёшлар шаҳарда етти йил яшаши учун уларга 20 минг доллар тўланади.

Ниагара шаршараси, Нью-Йорк штати, АҚШ

Яна бир таклиф дунёнинг энг гўзал гўшаларидан бирида яшаб, бунинг эвазига ҳақ олиш билан боғлиқдир. Ҳукумат шаршара яқинидаги корхоналарида икки йил давомида ишлаб беришни истаган университет битирувчиларига 7 минг доллар миқдорида рағбат пул ажратади.

Понга, Астурия, Испания

Испания шимоли-шарқидаги ўрмонлар ичида жойлашган ушбу мафтункор қишлоқча мамлакатнинг энг қадимий аҳолижойларидан бири ҳисобланади. Ёш аҳоли диққатини жалб этиб, минтақа иқтисодиётини кўтариш мақсадида бу ерга яшаш учун кўчиб келадиган ҳар бир оилага 3 минг евро таклиф қилинади. Бундан ташқари, ҳар бир туғилган бола учун 3 минг евро тўланади.

Утрехт, Нидерландия

Нидерландия гуманитар фанларни ижтимоий тажрибалар воситасида чуқур ўрганиши билан бутун дунёга машҳур. Навбатдаги тажрибалардан бири — шаҳарда яшовчи ҳар бир кишига минг доллар ёрдам кўрсатилса, бу уларга қандай таъсир кўрсатади?

Кёртис, Небраска, АҚШ

Ушбу митти шаҳар маъмурияти яхши ғоя ҳамда маҳаллий инфраструктура ва маданиятни ривожлантиришга берилган кўмак эвазига уй қуриш учун бепул ер тақдим этади.