«Реал»ни 13 йил ичида бошқарган 11 мураббий (фотогалерея)

Мадриднинг «Реал» клуби сўнгги 13 йил ичида 11 та мурббийни бошчи сифатида таништирди. Уларнинг айримлари «қироллик клуби» учун омадли келди, баъзилари эса ҳеч нарса ютмасиданоқ Мадрид жамоаси билан хайрлашди.

«Стадион» сайти «Интерфутбол» нашрига асосланиб, сўнгги 13 йил давомида «Реал»ни бошқарган мураббийлар ҳақида қисқа маълумот берди.

Карлуш Кейруш

2003/04 йилги мавсумларда жамоани бошқарди. Айни вақтда Эрон миллий терма жамоасини бошқараётган мутахассис Испания Суперкубогида ғолиб чиққанди.

Хосе Антонио Комачо

2004/05 йилги мавсумларда фаолият олиб борди ва «Реал» билан соврин ютишга улгурмади.

Хуан Рамос Лопес

2005/06 йилги мавсумларда ишлаган бу мутахассис ҳам «Реал» билан соврин ютганман деб мақтана олмайдиган бўлиб қолди.

Фабио Капелло

2006/07 йилги мавсумларда «Реал»га устозлик қилган италиялик мутахассис мамлакат чемпионлигини нишонлашга улгурди.

Бернд Шустер

2007/08 йилги мавсум аввалини «Реал» Суперкубок билан бошлади. Шустер жамоага Ла Лига олтин медалларини ҳам олиб берди.

Хуан де Рамос

2008/09 йилги мавсумни Мадрид клубида ўтказган мутахассис «Реал» сафида соврин ютолмади.

Мануэль Пеллигрини

2009/10 йилги мавсумларда «Реал»да ишлаган мураббийга мавсумни якунлаш учун имконият беришди. Ўша йили «Реал» рақиблари дарвозасига голлар ёмғирини ёғдирди, бироқ чемпионлик барибир «қироллик клуби»га насиб қилмай, улар мавсумни 2-ўринда якунлашди.

Жозе Моуриньо

2010/13 йилги мавсумлар оралиғида Моуриньо Ла Лигада зафар қучди, Испания Кубогида ғолиб чиқди, Испания Суперкубогини қўлга киритди. Унинг орзуси «Реал» билан Чемпионлар Лигасида ғолиб чиқиш бўлиб қолди.

Карло Анчелотти

2013/15 йилги мавсумларда «Реал» мухлисларининг қалбидан жой олган мураббий Испания чемпиони бўла олмади. Бироқ қолган ҳаммасини ютиб кўрди: Чемпионлар Лигаси, УЕФА Суперкубоги, клублар ўртасидаги жаҳон чемпиони, Испания Кубоги.

Рафаэль Бенитес

2015/16 йилги мавсумни тугатиш Рафага насиб қилмади. «Реал»да иш бошлаган мураббий, «Ньюкасл» сафида Премьер-Лигадан тушиб кетиш билан мавсумни якунлади.

Зинедин Зидан

2016 йилдан бошлаб жамоани қабул қилиб олган мураббий Чемпионлар Лигасида зафар қучди ва Ла Лигани 2-ўринда якунлади.