Францияда давом этаётган Евро—2016 мусобақасида 1-тур беллашувлари ўз якунига етди. У голларга бой бўлмади. Шунга қарамай футбол мухлислари бир қатор чиройли голларни томоша қилди.
Қуйида 1-тур доирасида киритилган 6 та гол танлаб олинди. Сизнингча, уларнинг қайси бири биринчи поғонага лойиқ?
1. Димитри Пайет
Франция ва Руминия терма жамоалари иштирокидаги очилиш ўйинида «Вест Ҳэм» клуби аъзоси мезбонларни дуранг натижадан қутқариб қолди ва 87-дақиқага келиб Францияга ғалаба келтирган голга муаллифлик қилди.2. Гарет Бэйл
Уэльс терма жамоасининг муваффақиятига кўпчилик шубҳа билан қараган бўлиши мумкин. Жамоа етакчиси эса шерикларини олға бошлай олди. Унинг жарима зарбасидан урган голи уэльслик футболчиларнинг руҳиятини кўтариб юборди.3. Лука Модрич
Хорватия терма жамоасининг маркази ажойиб футболчилардан ташкил топган. «Реал» ҳамда «Барселона» клуби аъзолари тўп сурадиган чизиқ Туркияга эркин ҳаракатланиш имконини бермади. Қўшимчасига Лука Модричнинг ажойиб зарбаси хорватларга ғалаба келтирди.4. Эрий Даер
Даернинг ажойиб зарбаси Англия терма жамоасига 3 очко келтирмаган бўлсада, гол кўпчиликнинг ёдида сақланиб қоладиган бўлди. Айниқса, учрашув олдидан зўравонликни бошлаб юборган россияликлик ишқибозлар учун бу ажойиб жавоб эди.5. Уэсли Хулехан
Ирландия терма жамоаси Еврони кутилганидан анча ишончли бошлади. Швецияга қарши ўйинда тайёр ғалаба қўлдан чиққан бўлсада, Хулеханнинг Премьер-лига иси келиб турган голини шведлар ҳали узоқ эслаб юришади.6. Эммануэле Жаккерини
Италия терма жамоаси ўзига шубҳа билан қараган барчага муносиб жавоб бера олди. Бельгия терма жамоаси дарвозасига киритилган биринчи голдан кўра, унга Бонуччи томонидан узатилган пас санъат асари даражасида эди.[playbuzz-item playbuzz_url="muhrima10/sizningcha-yevro-2016-guruh-bosqichi-1-turidagi-qaysi-gol-eng-chiroyli"]
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)