ОАВда ИШИД радикал гуруҳи етакчиси Абу Бакр ал-Бағдодий йўқ қилингани юзасидан тарқатилган ахборот Пентагон томонидан тасдиқланмади. Бу ҳақда «Интерфакс» хабар бермоқда.
Илгарироқ ал-Бағдодий АҚШ бошчилигидаги коалициянинг Раккага берган авиазарбаси давомида ўлдирилгани хабар қилинган эди. Аммо бу маълумот ўз тасдиғини топмади.
«Айни пайтда биз ушбу хабарларни тасдиқловчи бирор маълумотга эга эмасмиз», — деди АҚШ ҳарбий идораси матбуот хизмати вакили Адриан Ранкин-Гэллоуэй.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)