5 июнь куни Мадриддаги «Сантьяго Бернабеу» стадионида «Реал»нинг яқин ўтмишдаги юлдузлари «Аякс» собиқ футболчиларига қарши саф тортди.
Ўз вақтида миллионлаб мухлислар меҳрини қозонган футболчилар иштирокидаги беллашувда Мадрид жамоасининг қўли баланд келди.
14-дақиқада Роберто Карлос тўпни жарима майдонидан узоқлаштиришга ҳаракат қилганди. Тўп эса Кларенс Зеедорфнинг оёғига тегиб, «Реал» дарвозасидан жой олди.
«Қироллик клуби» футболчилари биринчи бўлимнинг ўзидаёқ иккита гол уришга муваффақ бўлди. Аввалига Луиш Фигу дарвозабон Эдвин Ван Дер Сар ҳамда «Аякс» ҳимоячисининг хатосидан унумли фойдаланган бўлса, кейинроқ Стив Макманаман жамоасини олдинга олиб чиқди.
Иккинчи бўлим дебютида Эмилио Бутрагеньо ҳисобни 3:1 кўринишига олиб келди.
Шу куни ҳар икки жамоа сафида Буйо, Сальгадо, Веласко, Роберто Карлос, Йерро, Макманаман, Зеедорф, Гути, Раул, Фигу, Контрерас, Льоренте, Бутрагеньо, Иван Перес, Дани, Амависка, Солари, Ван дер Сар, Ризигер, Хейтинга, Финиди, Де Бур, Овермарс каби машҳур футболчилар тўп сурди.