Футзал. Жаҳон Чемпионатида Ўзбекистон терма жамоасига кимлар рақиб бўлмаслиги аниқ бўлди

20 май куни Тошкент вақти билан тонгги 4:00 да футзал бўйича 2016 йилги Жаҳон Чемпионати беллашувларига қуръа ташлаш маросими бўлиб ўтади, деб хабар берди «Championat.asia».

• Ўзбекистон футзал терма жамоаси жаҳон рейтингида 20-ўриндан жой олди

4-саватчада, шунингдек, Куба, Мозамбик, Қозоғистон, Озарбайжон, Вьетнам каби терма жамоалар бор. Бундан келиб чиқадики, қуръа маросимидан кейин мазкур мамлакат термалари Ўзбекистон билан бир гуруҳдан жой олмайди.

Осиёнинг амалдаги чемпиони ҳисобланган Эрон терма жамоаси қуръа олдидан 2-саватчадан жой олди. Бу саватда Украина, Португалия, Парагвай, Миср, Коста-Рика каби мамлакатлар ҳам бор.

1-саватдан мезбон Колумбиядан ташқари Бразилия, Испания, Италия, Аргентина ва Россия терма жамоалари жой олган. 3-саватни эса Соломон Ороллари, Таиланд, Марокаш, Панама, Гватемала, Австралия каби термалар ташкил этган.

Футзал бўйича 2016 йилги Жаҳон Чемпионати 10 сентябрдан 1 октябрга қадар Колумбияда бўлиб ўтади.

• Футзал бўйича жаҳон чемпиони 250 минг долларни қўлга киритади