Испания Ла Лигасида 2015/16 йилги мавсум расман якунланди

• «Барселона» Испания чемпионлигини қўлга киритди, «Реал Мадрид» кумуш билан чекланди

Футбол бўйича Испания Ла Лигасида 15 май куни сўнгги — 38-тур учрашувлари бўлиб ўтди.

• «Барселона» жорий мавсумда энг кўп футболкалар сотган клуб бўлди

• «Реал» дунёнинг энг қиммат футбол клуби мақомини сақлаб қолди

Элитада жон сақлаб қолиш учун «Хетафе», «Спортинг» ҳамда «Райо Вальекано» клублари жиддий кураш олиб борди. Бу борада энг яхши имконият «Хетафе»да бўлиб турганди. Бироқ Хуан Эснайдер шогирдлари «Бетис»га имкониятини бой бериб, келаси мавсумни Сегунда лигасида ўтказадиган бўлди.

Жар ёқасида бораётган қолган икки клуб — «Спортинг» ҳамда «Райо Вальекано» сўнгги турни ғалаба билан якунлади. «Спортинг» Чемпионлар Лигаси йўлланмасини қўлга киритган «Вильярреал» устидан зафар қучиб, келаси мавсумни ҳам Ла Лигада ўтказадиган бўлди.

Шу тариқа, «Райо Вальекано», «Хетафе» ва «Леванте» жамоалари Ла Лигани тарк этди.

14 май кунги натижаларга кўра, Каталониянинг «Барселона» клуби кетма-кет иккинчи бор олтин медалга эга чиққан бўлса, кейинги икки ўринни Мадриднинг икки клуби — «Реал» ва «Атлетико» бўлиб олганди. «Вильярреал» эса сўнгги икки турни бой бериб ҳам, мавсумни кучли тўртликда якунлади.

Мос равишда 5-7-ўринларни эгаллаган «Атлетик», «Сельта» ва «Севилья» клублари келаси мавсум Европа Лигасида иштирок этади. Жорий мавсум халқаро майдонда ўйнаган «Валенсия» эса 11-поғона билан чекланиб, ҳеч нарсага эриша олмади.

• Луис Суарес битта мавсумда 40 та гол урган Ла Лиганинг учинчи футболчисига айланди

• Роналду клуб миқёсида қаторасига 6 мавсумда 50 ва ундан ортиқ гол киритган илк футболчига айланди

Испания Ла Лигаси 38-тур беллашувлари 15 май, якшанба

«Эспаньол» — «Эйбар» 4:2

Голлар: Херар Морено, 13 (1:0). Марко Асенсио, 32 (2:0). Борха Гонсалес, 57-пен (2:1). Марко Асенсио, 66 (3:1). Херар Морено, 76 (4:1). Серхи Энрич, 90 (4:2).

«Малага» — «Лас-Пальмас» 4:1

Голлар: Дуе Чоп, 26 (1:0). Виллиан, 31 (1:1). Шарлес, 45+1-пен (2:1). Кристиан Атсу, 84 (3:1). Шарлес, 86 (4:1).

«Райо Вальекано» — «Леванте» 3:1

Голлар: Пабло Эрнандес, 12 (1:0). Хосабед, 23 (2:0). Верса, 60-пен (2:1). Николас Федор, 73 (3:1).

«Бетис» — «Хетафе» 2:1

Голлар: Херман Песселья, 56 (1:0). Рубен Кастро, 73-пен (2:0). Альваро Медран, 84 (2:1).Четлатиш: Эмилиано Буэндия, 75 (Х).

«Спортинг» — «Вильярреал» 2:0

Голлар: Хонатан Родригес, 8 (1:0). Серхио Альварес, 79 (2:0).